Limba e Contos de Sardigna
Limba > Sintassi
2. Sintagma e frase
Sa sintassi est cudda parte de sa linguìstica chi istùdiat su modu chi sos faeddos si ligant a pare.Sas unidades sintàticas sunt sos sintagmas. Cando s'unidade fundamentale de su sintagma est su nùmene tando tenimus unu sintagma nominale.
Pro nàrrere:
Su frore
Sa rosa bianca
Su colore de su gravellu
Inoghe sos elementos sunt artìculu, nùmene, agetivu.Sa rosa bianca
Su colore de su gravellu
Cando imbetzes s'elementu printzipale est su verbu tenimus unu sintagma verbale.
Pro nàrrere:
Antoni est gioghende
Luisi est dormende
Inoghe sos elementos sunt nùmene, verbu.
Luisi est dormende
Sa frase o propositzione duncas est un'unidade sintàtica chi tenet unu significadu autònomu.
Pro b'àere una frase bi cheret unu verbu, mancari no esplìtzitu.
Intre sas frases autònomas si podent distìnghere sas decrarativas e sas interrogativas.
Su trenu arribbat a sas 9 / A it'ora arribbat su trenu?