7. S'avèrbiu

S'avèrbiu est una parte de sa frase chi modìficat su significadu de sas paràulas chi tenet a curtzu.

1. S'avèrbiu de modu

   S'avèrbiu de modu inditat sa manera chi est fata s'atzione.
   Unos cantos avèrbios de modu:
   bene, male, mègius, peus, in presse, a forte
   Unas cantas formas verbales e sustantivos podent funtzionare comente avèrbios:
   curre·curre, oru·oru
   In sardu sos avèrbios in -mente non si usant, francu carchi etzetzione:
   mescamente, massimamente, malamente

2. S'avèrbiu de cantidade

   S'avèrbiu de cantidade cuantìficat carchi cosa sena ispetzificare.
   Unos cantos avèrbios de cantidade:
   meda, pagu, nudda, agiumai

3. S'avèrbiu de logu

   S'avèrbiu de logu inditat su logu de s'atzione o in ue s'agatant persones o cosas.
   Unos cantos avèrbios de logu:
   inoghe, in cue, a tesu, a curtzu, a inghìriu

4. S'avèrbiu de tempus

   S'avèrbiu de tempus inditat su tempus chi càpitat s'atzione.
   Unos cantos avèrbios de tempus:
   como, in antis, a pustis, deretu, luego

5. Sos avèrbios de valutatzione e interrogativos

   Sos avèrbios de valutatzione e interrogativos serbint a afirmare, a negare e a dare unu giudìtziu.
   Carchi esèmpiu:
   eja, ei, emmo, nono, forsis, ello, ite