3. Grammàtica e lèssicu

Sa parte de sa grammàtica chi est ligada a forte cun su lèssicu est cudda mutida formatzione de sas paràulas.
Tenet duos elementos printzipales:

1. sos derivados dae paràulas simpres, cun prefissos e sufissos
2. sos cumpostos dae duas paràulas autònomas

1. Prefissos e sufissos sunt partitzellas invariàbiles chi si ponent in dae in antis, sos prefissos, o a pustis, sos sufissos, de sas paràulas pro nde modificare o cambiare su cuntenutu:
   Sorighitu < sòrighe + itu (sustentivu deagetivale)
   Grogatzu < grogu + atzu (agetivu deagetivale)
   Porcàrgiu < porcu + argiu (derivadu nominale denominale)
   Inserrare < in + serrare (derivadu deverbale)
   Deagetivale, denominale e deverbale cheret nàrrere ca benint dae un'agetivu, dae unu nùmene
   e dae unu verbu.

   B'at sufissos, che a sos diminutivos, che a sorighitu, e sos acreschitivos, chi modìficant su significadu, mentras àteros lu càmbiant.

   porcu + argiu > porcàrgiu
2. Sos cumpostos sunt nùmenes chi naschent ponende paris àteros duos faeddos:
   Pilicanu < pilu + canu
   Conchibassu < conca + bassu
   Carifine < cara + fine